Fir eng besser Kontroll an Identifizierung vun den Hënn ze erméiglechen a fir den Hondsmeeschter ze zwenge verschidde Sécherheetsmoossnahmen anzehalen, schreiwt d'Gesetz eng Rei Pflichte fir den Hondbesëtzer vir:
- elektronesch Kennzeechnung vum Hond duerch een agreeéierten Déierendokter;
- Umeldung vum Hond op der Gemeng. Hei musse Rass an Tollwutimpfung hannerluecht ginn;
- Jährlecht Bezuele vun der Hondssteier asw.
Fir d'Haale vu potenziell geféierlechen Hënn gëll nach méi streng Pflichten/Viraussetzungen. Dës sollen d'Meeschtere vu sou Hënn un hir Verantwortung erënneren:
- erfollegräicht Deelhuele mam Hond un Dressurcoursen;
- Attestatioun vum Déierendokter mam Datum vun der Kastratioun bei verschiddenen Hënn;
- Noweis vum erfollëgräichen Deelhuelen un Hondsmeeschtercoursen säitens dem Hondsmeeschter;
- Erwuessenenalter an ee Casier vierge asw.